Obama er íhaldssamur í persónulegum fjárfestingum

Þegar kemur að persónulegum fjárfestingum er Barack Obama bandaríkjaforseti mjög íhaldssamur að því er segir í grein um málið á CNN Money. Stærstur hluti fjárfestinga forsetans er í bandarískum ríkisskuldabréfum.

Eignir hans í ríkisskuldabréfunum liggja á bilinu ein til fimm milljónir dollara. Þar að auki hefur Obama sett á milli 100.000 og 200.000 dollara í tvo sjóði hjá Bright Dircetions en þessir sjóður eru ætlaðir til menntunnar dætra hans, þeirra Malia Ann og Natasha.

Það sem eftir stendur af fjölskylduauðinum, 115.000 til 250.000 dollarar, hefur Obama svo fjárfest í hlutabréfasjóðnum Vanguards. Öll upphæðin er í svokallaðri samfélagsvísitölu sjóðsins þar sem eru félög sem hafa gott orð á sér fyrir samfélagsþjónustu og umhverfisvernd.

Meðal félaga sem mynda vísitöluna eru JP Morgan bankinn, Apple, Google, Intel og McDonalds.