Fimm stjörnu lúxus fyrir minna en 25.000 krónur

Kreppan hefur gert það ódýrara að búa á lúxus-hótelum. Nú er hægt að leigja sér herbergi á fimm stjörnu hótelum fyrir minna en 25.000 kr. á nóttina í 26 borgum heimsins.

Þetta kemur fram á vefsíðunni Hotels.com sem birt hefur vísitölu sína yfir gistikostnað á hótelum fyrir tímabilið janúar til júní í ár.

„Við reiknuðum með að árið 2009 myndi hafa í för með sér miklar verðlækkanir á hótelgistingum um allan heim. En við höfum aldrei áður séð jafnmörg topp-stjörnuhótel með jafnódýra verðlagningu," segir Nigel Pocklington forstjóri Hotels.com.

Í nokkrum borgum er lúxusinn í boði á töluvert undir 25.000 kr. Þannig er hægt að fá gistingu á fimm stjörnu hótelum í Prag fyrir að meðaltali tæplega 19.000 kr. á nóttina í tvöföldu herbergi. Af öðrum Evrópuborgum þar sem lúxusinn er ódýr má nefna Berlin, Stokkhólm og Lissabon.

Allra ódýrast er þó slík gisting í Bangkok og Sjanghæ þar sem herbergin eru leigt út á um 18.000 kr. að jafnaði.

En það eru ekki öll lúxushótel sem hafa lækkað verð sín. Þannig hefur nóttin á Royal Penthouse svítunni í dýrasta hóteli heimsins, President Wilson í Genf, tvöfaldast í verð frá í fyrra. Það kostar litlar 8 milljónir kr. að leiga þá svítu út yfir nóttina.