Toyota í fyrsta sæti á fyrstu æfingu

Jarno Trulli á Toyota var fremstur allra á fyrstu æfingu keppnisliða á hinni rómuðu Spa braut í morgun. Jenson Button á Brawn varð annar og Fernando Alonso á Renault þriðji.

Rigna fór á æfingunni þegar hálftími var búinn að 90 mínútna æfingunni og ökumenn prófuðu því bæði þurrdekk og regndekk. Spáð er rigningu í tímatökunni á morgun og kom sér því vel að það skyldi rigna.

Ítalinn Giancarlo Fisichella var sneggstur á Force India bílnum á meðan rigndi, en Trulli náði sínum tíma í upphafi æfingarinnar, rétt áður en rigndi. Luca Badoer á Ferrari ók að nýju, eftir slakt gengi á Valencia brautinni. Hann var með tíunda besta tíma og ók mun betur að þessu sinni.

Önnur æfing er á dagskrá í dag og samantekt úr báðum æfingum verður sýnd á Stöð 2 Sport kl. 20.30 í kvöld.

Tímarnir á æfingunni og brautarlýsing