Mourinho óskar eftir stuðningi áhorfenda

Eftir ævintýralegan sigur Inter á Dynamo Kiev í Meistaradeildinni í gær hefur þjálfarinn, Jose Mourinho, biðlað til stuðningsmanna liðsins um að hjálpa liðinu við að ná enn lengra í keppninni.

„Ég verð afar svekktur ef það er ekki að minnsta kosti 70 þúsund manns í stúkunni í úrslitaleiknum gegn Rubin Kazan. Ég vil reyndar sjá sama fjölda gegn Roma um helgina," sagði Portúgalinn.

Roma mætir til Mílanó með bakið upp við vegg um helgina enda hefur liðið aðeins unnið einn af síðustu fimm leikjum sínum.