Þarf að draga um leikdaga

Í dag funduðu í Kaupmannahöfn fulltrúar þeirra þjóða sem prýða riðil Íslands í undankeppninni fyrir Evrópumótið 2012. Reynt var að ná samkomulagi um leikdaga riðilsins en það bar ekki árangur.

Allir voru með einhverjar sérstakar óskir og varð niðurstaðan því sú að samkomulag myndi ekki nást. Því verður dregið um leikdaga en Knattspyrnusamband Evrópu mun sjá um þann drátt í næstu viku.

Portúgal, Danmörk, Noregur og Kýpur eru með Íslandi í riðli en fyrstu leikirnir verða í september á þessu ári.