Umfjöllun: Sanngjarn sigur Fram

Framarar áttu ekki í miklum erfiðleikum með ÍR í 32-liða úrslitum Visa-bikarsins í kvöld en unnu þó nauman sigur 2-1, en þau úrslit gefa ekki rétta mynd af gangi leiksins.

Guðlaugur Baldursson gerði alls sjö breytingar á liði sínu frá því í seinasta leik og má segja að hugur hans hafi verið við leik ÍR gegn Fjarðarbyggð í 1. Deildinni á laugardaginn kemur.

Fram byrjaði leikinn betur og svo virtist sem ÍR-ingar væru hreinlega ekki mættir til leiks en gestirnir áttu ekki skot að marki fyrr en eftir 51. mínútu. Fram tók öll völd á vellinum og hreinlega sundurspilaði arfaslaka ÍR-inga.

Á 38. mínútu brutu þeir ísinn eftir að hafa sótt látlaust og oft verið nálægt því að ná forystu. Ívar Björnsson skoraði laglegt skallamark eftir góða hornspyrnu frá Josep Tillen. Allt þangað til að lokum fyrri hálfleiks hélt Fram áfram að sækja og hefðu í raun átt að klára leikinn í fyrri hálfleik.

Fram hóf seinni hálfleikinn með miklum látum og bættu öðru marki við á 49. mínútu. Þar var að verki Ívar Björnsson sem skoraði eftir laglega sendingu Almars Ormarssonar sem átti einnig góðan leik í liði Fram.

Við það styrktust ÍR-ingar til muna og fóru að spila kraftmeiri bolta. Davíð Már Stefánsson var allt í öllu í sóknarleik ÍR-inga og getur verið sáttur við sinn leik í í kvöld.

ÍR-ingar minnkuðu muninn á 89. mínútu með marki frá Guðjóni Gunnarssyni sem skoraði í autt markið eftir mikinn darraðadans í teig Fram.

Eftir það fjaraði leikurinn út of góður dómari leiksins Þorvaldur Árnason flautaði til leiksloka á Laugardalsvellinum og Fram komið áfram í 16-liða úrslit Visa-bikarsins.

Fram - ÍR 2-1

1-0 Ívar Björnsson (38.)

2-0 Ívar Björnsson (49.)

2-1 Guðjón Gunnarsson (89.)

Skot (á mark): 19-5 (12-2)

Varin skot: Ögmundur 1-7

Aukaspyrnur: 6-5

Horn: 13-1

Rangstöðr: 2-0

Dómari: Þorvaldur Árnason.

Fram 4-4-2:

Ögmundur Kristinsson

Samuel Lee Tillen

Jón Guðni Fjóluson

Kristján Hauksson

Daði Guðmundsson

Halldór Hermann Jónsson

(40. Hlynur A. Magnússon)

Jón Gunnar Eysteinsson

Tómas Leifsson

(66. Josep Tillen)

Ívar Björnsson

(78. Guðmundur Magnússon)

Almarr Ormarsson

Hjálmar Þórarinsson

ÍR 4-5-1:

Ágúst Bjarni Garðarsson

Hrannar Karlsson

Guðjón Gunnarsson

Elvar Lúðvík Guðjónsson

Halldór Arnarsson

Gunnar Hilmar Kristinsson

Davíð Már Stefánsson

Haukur Ólafsson

(84. Pétur Óskar Sigurðsson)

Jón Gísli Ström

(68. Eiríkur Viljar H. Kúld)

Axel Kári Vignisson

Árni Freyr Guðnason

(62. Elías Ingi Árnason)