Cassano til í að greiða eina milljón evra með sér

Antonio Cassano er til í ganga ansi langt til þess að vera áfram í herbúðum Sampdoria. Félagið hefur fengið nóg af hegðun leikmannsins og hefur ákveðið að segja upp samningnum við hann.

Cassano lenti upp á kant við forseta félagsins sem vill ekki sjá hann nálægt æfingasvæði félagsins. Cassano reyndi að biðjast afsökunar en afsökunarbeiðnin var ekki tekin til greina.

Nú greina ítalskir fjölmiðlar frá því að Cassano sé til í að greiða félaginu eina milljón evra ef það hættir við að rifta samningnum. Það sem meira er þá er Cassano sagður vera til að lækka launin sín um helming.

Þó svo tilboðið sé freistandi eru forráðamenn Sampdoria svo fúlir út í leikmanninn að fastlega er búist við því að þeir hafni tilboðinu.