Roma vill framlengja við Ranieri

Claudio Ranieri hefur fengið nýtt samningstilboð frá Roma sem vill framlengja samningi sínum við þjálfarann sem fyrst.

Lið Roma hefur verið á mikilli siglingu síðan Ranieri tók við liðinu og félagið vill nú semja við hann til ársins 2013. Hefur félagið boðið honum veglega kauphækkun verði hann áfram.

Ranieri ætlar að fara sér hægt og segist ekki ætla að skrifa undir neitt fyrr en HM sé lokið. Ástæðan er sú að hann er spenntur fyrir því að taka við ítalska landsliðinu og gerir sér vonir um að hreppa landsliðsþjálfarastarfið.