Webber og Red Bull stjórar hreinsuðu andrúmsloftið

Mark Webber tilkynnti á vefsíðu sinni í dag að hann og yfirmenn Red Bull hafi rætt það sem kom upp í Silverstone kappakstrinum um síðustu helgi og andrúmsloftið á milli aðila hafi verið hreinsað. Autosport.com greinir frá þess í dag og lausleg þýðing á ummælum hans fylgir hér að neðan. Webber segir í fréttinni sem er að stærstum hluta tekinn af vefsíðu hans að vonbrigði hans með þjónustu liðsins fyrir tímatökuna á laugardag hafi haft áhrif á hann á sunnudeginum. Vængur var tekinn undan bíl hans og settur á bíl Vettels. "Sebastian fékk vænginn vegna ástæðna sem voru ekki skilgreindar fyrir mér fyrr en seint á laugardag. Auðvitað get ég skilið að sá sem er oftar stigum fái betri þjónustu, ef sú staða kemur upp að það eru bara til búnaður fyrir annan okkar. Við höfum hreinsað andrúmsloftið og það er ljóst hér eftir að ef svo ólíklega vill til að ekki er til sami búnaður á báða bíla (nýr) þá fær sá sem er ofar í stigamótinu nýjungina", sagði Webber. Webber gat þess líka að kannski hafi ummæli hans um að árangur hans væri ekki slæmur fyrir ökumann númer tvö hjá liðinu hefði ekki verið sem best ummæli. "Auðvitað segir maður hluti í hita augnabliksins, sem trúlega hefði ekki átt að segja. Formúlu 1 er háspennu íþrótt og tilfinningar og adrenalín er í hámarki, eins og í öðrum íþróttum. Ummæli mín í talkerfið er dæmi um ástralska kaldhæðni. Það má taka þau á tvo vega, jákvætt eða neikvætt." Webber gat þess að hann og Christian Horner væru góðir vinir til margra ára og gagnkvæm virðing ríkti á milli þeirra og ekkert væri að samskiptum hans og Sebastian Vettel. Liðsmenn Red Bull fögnuðu sigrinum á sunnudagskvöld í partíi hjá Horner. "Ég er með góðan liðsfélaga og nýt virðingar liðsins. Við deilum upplýsingum og við Sebastian erum ekki óvnir. Við erum bara ökumenn sem vilja ná sem bestum árangri. Svo einfalt er það. Úrslitin á Silverstone voru frábær fyrir mig og liðið. Tíminn líður hratt og það dugar ekki að horfa í baksýnisspeglanna. Við horfum fram veginn", sagði Webber.