Juventus getur unnið titilinn

Alberto Aquilani er kominn til Juventus frá Liverpool en hann verður lánaður til ítalska liðsins í vetur. Roy Hodgson, stjóri Liverpool, hefur því augljóslega enga trú á leikmanninum.

Miðjumaðurinn virðist alls ekki ósáttur við vistaskiptin.

"Ég er mjög ánægður með að vera kominn hingað. Juventus er lið sem getur verið að berjast um titilinn. Við ætlum að standa okkur í vetur," sagði Aquilani.

"Ég er kominn til Ítalíu til þess að vinna mér aftur sæti í ítalska landsliðinu."