Stærsta skóbúð í heimi opnar í Lundúnum

Þeir sem eru gefnir fyrir skó ættu ef til vill að kíkja til Lundúna á næstunni. Þar er nefnilega nýbúið að opna stærstu skóverslun í heimi. Í 35 þúsund fermetra rými er hægt að velja um 5000 skópör og á verslunin mörg fleiri á lager.

Verslunin er bæði sú stærsta hvað fermetrafjölda varðar og með flesta skó til sölu. Upplýsingafulltrúi Selfridges, Bruno Barba, segir í samtali við CNN að dömuskódeildin muni meira en tvölfaldast að stærð.

Skómarkaðurinn náði metstærð á síðasta ári og fer ört vaxandi í Bretlandi, segir á danska vefnum Business.dk.