Eik Banki í vanda, þarf að auka eigið fé

Eik Banki á nú í viðræðum við danska fjármálaráðuneytið þar sem fyrir liggur að bankinn þarf að auka afskriftir sínar og jafnframt að auka við eigið fé sitt og greiðsluþol.

Eik Banki á nú í viðræðum við danska fjármálaráðuneytið þar sem fyrir liggur að bankinn þarf að auka afskriftir sínar og jafnframt að auka við eigið fé sitt og greiðsluþol til að standast lágmarkskröfur eftirlitsins.

Þetta kemur fram í tilkynningu frá bankanum til Kauphallarinnar en samtíms hefur verið tilkynnt um breytingar á yfirstjórn bankans.

Í tilkynningunni segir að ekki liggi fyrir ákveðnar kröfur af hendi danska fjármálaeftirlitsins um upphæðir sem hér um ræðir. Hinsvegar á bankinn von á farsælli niðurstöðu í viðræðunum fyrir mánaðarmótin en þann 30. september n.k. fellur niður ríkisábyrgð sem bankinn fékk í gegnum bankpakke I.

Eik banki á nú í samningum við tvo nýja fjárfesta, annarsvegar eignarhaldiðfélagið á bakvið Tryggingarfelagið Föroyar (TF Holding) og hinsvegar færeysku heimastjórnina. TF Holding hefur gefið út viljayfirlýsingu um að láta Eik Banki í té 400 milljónir danskra kr., eða um 8 milljarða kr. í nýju rekstarfé að uppfylltum ákveðnum skilyrðum.

Þær breytingar hafa orðið á yfirstjórn Eik Banka að bankastjórarnir Marner Jakobsen og Bjarni Olsen hafa látið af störfum en Bogi Bendtsen hefur verið ráðinn yfirbankastjóri tímabundið. Þá hefur Frithleif Olsen formaður stjórnar bankans vikið úr þeirri stöðu og Odd Bjellvåg tekið við henni.