Fótbolti

Kaka byrjaður að æfa á ný

Elvar Geir Magnússon skrifar
Kaka situr í bíl sínum og spjallar við hressan aðdáanda.
Kaka situr í bíl sínum og spjallar við hressan aðdáanda.

Brasilíumaðurinn Kaka hefur ekkert spilað með Real Madrid á þessu tímabili vegna hnéaðgerðar sem hann gekkst undir í sumar. Hann er þó farinn að geta æft með félögum sínum á nýjan leik.

„Læknar félagsins og þrekþjálfarinn Carlos Lalin fylgjast með hverju skrefi hans. Endurhæfing hans er komin á næsta stig," segir í tilkynningu á opinberri vefsíðu Real Madrid.

„Hann fann ekki fyrir neinum óþægindum á æfingunni. Honum var óskað til hamingju af liðsfélögum og þjálfurum sem vita að hann er nú skrefi nær því að snúa aftur á völlinn."



Spænski boltinn

Mest lesið


Fleiri fréttir

Sjá meira


×

Mest lesið