Milos Krasic á leið til Juventus

Juventus er á góðri leið með að fá Serbann Milos Krasic í sínar raðir frá rússneska félaginu CSKA Moskva samkvæmt ítölskum fjölmiðlum.

Þetta hefur þó ekki fengist staðfest en CSKA mun hafa samþykkt tilboð Juventus í Krasic.

Þá greina ítalskir fjölmiðlar einnig frá því að Juventus ætli að bjóða Giorgio Chiellini nýjan samning sem gildir til 2015. Þá hefur Riccardo Montolivo, fyrirliði Fiorentina, verið orðaður við félagið.

Árangur Juventus á nýliðnu tímabili olli miklum vonbrigðum en félagið varð í sjöunda sæti ítölsku úrvalsdeildarinnar, 27 stigum á eftir meisturunum í Inter.