Cassano til Juventus?

Vandræðagemsinn Antonio Cassano er nú orðaður við Juventus og talið að félagið gæti reynt að fá þennan öfluga sóknarmenn þegar félagaskiptaglugginn opnast í janúar.

Sampdoria hefur gefist upp á Cassano sem er í sífellu til vandræða, bæði innan sem utan vallar.

Gigi Del Neri, þjálfari Juventus, vill ekki útiloka að hann muni aftur vinna með Cassano en þeir tveir voru saman hjá Sampdoria á sínum tíma.

Sóknarmaðurinn Amauri er á meiðslalistanum hjá Juventus og leikur ekki næstu tvo mánuði. Þær fréttir eru mikið áfall fyrir Juve enda Amauri lykilmaður í sóknarleik liðsins.