Corinthians til í að taka á móti Trezeguet

Brasilíska liðið Corinthians er afar spennt fyrir því að fá Frakkann David Trezeguet í sínar raðir og hefur boðið honum að koma til félagsins ef hann raunverulega vill það.

Vísir greindi frá því í gær að Trezeguet væri spenntur fyrir því að fara til Brasilíu og liðið hefur nú brugðist við fréttum gærdagsins á jákvæðan hátt.

„Samkvæmt okkar upplýsingum þá vill Trezeguet spila fyrir Corinthians. Það væri heiður að fá hann til félagsins," sagði Mario Gobbi, framkvæmdastjóri Corinthians.

„Trezeguet er ekki bara einhver leikmaður og ef það er mögulegt að fá hann þá viljum við fá hann."