Viðskipti erlent

Mikill samdráttur í sölu JJB Sports, forstjórinn hættir

Mikill samdráttur varð á heildarsölu íþróttaverslunarkeðjunnar JJB Sports á síðasta ári eða 51% miðað við árið á undan. Heldur hefur dregið úr samdrættinum í ár. Á fyrstu þremur vikum janúar var salan 21% minni en á sama tímabili í fyrra.

Slitastjórn Kaupþings heldur nú utanum tæplega 30% hlut í JJB Sports en sá hlutur var áður í eigu Chris Ronnie fyrrum forstjóra JJB Sports og Exista. Upphaflegu kaupin á þeim hlut eru m.a. til rannsóknar hjá Serious Fraud Office, efnahagsbrotadeild bresku lögreglunnar.

Í frétt á Reuters um sölutölurnar hjá JJB Sports kemur fram að forstjóri keðjunnar eða starfandi stjórnarformaður, David Jones, muni láta af störfum í lok mánaðarins. Hann verður þó áfram viðloðandi reksturinn sem stjórnarmaður. Ástæða þess að Jones lætur af störfum er að hann þjáist af Parkinson veikinni.

Við opnun markaða í dag voru hlutir í JJB Sports skráðir á 21,5 pens og verðmatið á keðjunni þar með 140 milljónir punda. Því má reikna út að andvirði hlutar Kaupþings sé hátt í 8,5 milljarðar kr.







Mest lesið


Fleiri fréttir

Sjá meira


×

Mest lesið