Wall Street stjarna hagnaðist vel á hlutabréfakaupum

Shia LaBeouf annar aðalleikaranna í myndinni Wall Street: Money Never Sleeps hefur hagnast um tugi milljóna króna á hlutabréfakaupum.

Hann ákvað að spila á hlutabréfamarkaðinum áður en hann hóf að leika í myndinni til að læra um markaðinn fyrir hlutverk sitt. Í þeim tilgangi fjárfesti hann fyrir 20.000 dollara í gegnum verðbréfamiðlunina Schwab í fyrra.

Þessi fjárfesting endaði með að skila honum hagnaði upp á 600.000 dollara eða nær 70 milljónar króna sem er 3000% aukning á fjárfestingunni.

Það fylgir sögunni að LaBeouf hlaut ráð frá mönnum á borð við George Soros og Donald Trump við hlutabréfakaup sín.