Bankabjörgun kostaði þrefalda landsframleiðslu Skotlands

Fjallað er um málið í Times. Þar kemur fram að fyrrgreind upphæð sé sú fyrsta frá opinberum aðilum um hve mikið það kostaði að bjarga RBS og HBOS frá gjaldþroti í kreppunni. Upphæðin kemur fram í áliti pólitískt hlutlausar stofnunnar tengda skoska þinginu, Scottish Parliament Information Center. Reiknað er með að mikill meirihluti þessarar upphæðir rati aftur í breska ríkiskassann.

Fram kemur að 470 milljarða punda séu meir en helmingur þeirra 753 milljarða punda sem bresk stjórnvöld hafa borgað til að halda bankakerfi sínu á floti í fjármálakreppunni.

Upphæðin skiptist þannig að 70 milljarðar punda fóru í að kaupa hlutafé í bönkunum tveimur sem síðan er hægt að selja aftur. Kostnaður skattgreiðenda enginn.

100 milljarðar punda fóru í sérstaka lausafjáraðstoð til að halda daglegum rekstri bankanna gangandi. Reiknað er með að þessu fjármagni verði skilað aftur.

100 milljarðar punda fóru í lánatryggingar, sem tryggðu lán til fyrirtækja. Ekki er reiknað með að skattgreiðendur standi eftir með þann reikning svo framarlega sem að viðkomandi fyrirtæki fari ekki í gjaldþrot.

200 milljarðar punda fóru í eignavernd, þ.e. að tryggja vafasamar eignir sem bankastjóri RBS, Fred Goodwin, hafði keypt á ferli sínum. RBS mun greiða tap af þessum eignum upp að 60 milljörðum punda. Ef ekki verður meira tap sleppa skattgreiðendur við að borga þennan brúsa.