Innlent

Forkastanlegt að draga ráðherrana fyrir landsdóm

Margrét sem nú starfar sem forstöðumaður fangelsisins á Litla-Hrauni var þingmaður á árunum 1987-2007. Hún var talsmaður Samfylkingarinnar í kosningunum 1999 og varaformaður flokksins á árunum 2000-2003.
Margrét sem nú starfar sem forstöðumaður fangelsisins á Litla-Hrauni var þingmaður á árunum 1987-2007. Hún var talsmaður Samfylkingarinnar í kosningunum 1999 og varaformaður flokksins á árunum 2000-2003.
Margrét Frímannsdóttir, fyrrverandi þingmaður og varaformaður Samfylkingarinnar, segir hugmyndir um að stefna fjórum fyrrverandi ráðherrum fráleitar og málsmeðferðin sé forkastanleg. Þingmenn sem þetta vilja viti ekki hvað þeir gera.

Meirihluta þingmennanefndar sem fjallaði um skýrslu rannsóknarnefndar Alþingis leggur til að fjórir ráðherrar í ríkisstjórn Sjálfstæðisflokks og Samfylkingar verði dregnir fyrir landsdóm.

„Mér finnst þetta fyrir það fyrsta einhverjar alvarlegustu tillögur sem ég hef séð sem lagðar hafa verið fram á Alþingi," sagði Margrét í kvöldfréttum Ríkisútvarpsins og bætti að hún héldi að hún byggi í réttarríki. „En þegar ég sé svona vinnubrögð efast ég um það. Mér finnst þetta forkastanlegt."

Ekki hafi verið ástæða til að ákæra ráðherranna eftir að skýrsla rannsóknarnefndar Alþingis var birt. Eigi að ákæra verði að gera það almennilega og gæti að réttinum allra. „En að nota úrelta löggjöf eins og landsdóm er algjörlega fráleitt. Ég efast um það að þeir þingmenn sem var fenginn þessi kaleikur að vera í þessari nefnd geri sér grein fyrir þeim alvarleika sem því fylgir að leggja fram ákæru eins og gert er í þessum þingsályktunartillögum."

Margrét telur ef að umræddir einstaklingar verði dregnir fyrir dóm muni málið enda fyrir mannréttindadómstólum.

Landsdómur

Tengdar fréttir

Segir Geir þegar hafa axlað ábyrgð

Bjarni Benediktsson, formaður Sjálfstæðisflokks, segir að Geir H. Haarde, fyrrverandi forsætisráðherra, sé þegar búinn að axla pólitíska ábyrgð á hruninu og því sé engin þörf á því draga hann né aðra fyrrverandi ráðherra fyrir landsdóm.

Þinglokum líklega frestað um nokkra daga

Alþingi kemur saman fyrir hádegi á morgun. Aðeins eitt mál er á dagskrá en það er skýrsla þingmannanefndar sem undanfarna mánuði hefur fjallað um skýrslu rannsóknarnefndar Alþingis og birt var opinberlega í gær. Þinglokum verður líklega frestað um nokkra daga.

Ráðherrar eins og trillukarlar

„Á stundum hefur mér fundist að ráðherrar í ríkisstjórn Íslands séu eins og 12 trillukarlar sem hittast í kaffi tvisvar í viku, bera saman aflabrögð og horfur, standa saman gegn utanaðkomandi áreiti eða ógnunum en eru jafnframt í samkeppni innbyrðis um aflanna," segir Þórunn Sveinbjarnardóttir, þingflokksformaður Samfylkingarinnar og fyrrverandi umhverfisráðherra.

Framhaldið í höndum Alþingis

„Ég hef áður sagt að ég muni ekkert gera sem geti truflað störf þingsins í þessu mikilvæga máli. Sú yfirlýsing stendur og því mun ég ekki tjá mig um málið opinberlega fyrr en þingið hefur lokið afgreiðslu málsins," segir Björgvin G. Sigurðsson, þingmaður Samfylkingarinnar og fyrrverandi viðskiptaráðherra, í yfirlýsingu. Hann segir málið nú í höndum Alþingis.

Geir Haarde: Mér var vísvitandi sagt ósatt

„Ég hef varið mörgum árum í störf á vettvangi stjórnmála og kynnst þar mörgu fólki. En ég hef ekki átt því að venjast að mér sé vísvitandi sagt ósatt um mikilvæg mál hvað þá að málsmetandi ábyrgðarmenn stórra fyrirtækja geri sig seka um slíkt gagnvart forsætisráðherra,“ segir Geir H. Haarde, fyrrverandi forsætisráðherra og formaður Sjálfstæðisflokksins, í bréfi til þingmannanefndar sem fjallaði um skýrslu rannsóknarnefndar Alþingis. „Slíku hafði ég ekki kynnt fyrr en í aðdraganda bankahrunsins og gerði mér ekki grein fyrir því fyrr en eftir á. Erfitt er að þurfa að sætta sig við slíka framkomu,“ segir Geir.

Geir Haarde: Ég er ekki hræddur

„Niðurstaða meirihluta þingmannanefndar, sem fjallað hefur um skýrslu rannsóknarnefndar Alþingis, um ákærur á hendur fyrrverandi ráðherrum, veldur mér miklum vonbrigðum. Ég tel að meirihlutinn hafi komist að rangri niðurstöðu,“ segir Geir H. Haarde, fyrrverandi forsætisráðherra og formaður Sjálfstæðisflokksins, í yfirlýsingu sem hann fjölmiðlum skömmu fyrir klukkan 12. „Komi til þess að Alþingi samþykkti tillögu um að stefna mér fyrir landsdóm verður það þungbær reynsla en sá sem hefur hreinan skjöld er ekki hræddur við að fá úrlausn sinna mála fyrir óháðum og óvilhöllum dómstóli eins og landsdómi er ætlað að vera.“

Björn og Guðlaugur svöruðu ekki þingmannanefndinni

Hvorki Björn Bjarnason né Guðlaugur Þór Þórðarson sáu ástæðu til að svara bréfum þingmannanefndar sem fjallaði um skýrslu Alþingis. Allir ráðherrar ríkisstjórnar Sjálfstæðisflokks og Samfylkingar fengu send bréf frá nefndinni um miðjan maí þar sem ráðherrunum fyrrverandi var gefinn kostur á senda nefndinni athugasemdir, upplýsingar eða svör við niðurstöðum skýrslu rannsóknarnefndar Alþingis.

Ráðherrarnir gátu ekki komið í veg fyrir hrunið

Þorsteinn Pálsson, fyrrverandi forsætisráðherra og formaður Sjálfstæðisflokksins, segir landsdóm leifar af 19. aldar réttarfari og sé þannig úreltur. Hann segir að eftir árið 2006 hafi ekki verið hægt að bjarga bönkunum og því eigi ekki að ákæra fyrrverandi ráðherra fyrir að koma ekki í veg fyrir bankahrunið vegna aðgerðarleysis árið 2008.

Björgvin: Ég er ekki fullkominn

Björgvin G. Sigurðsson, fyrrverandi viðskiptaráðherra, segir að Ingibjörg Sólrún Gísladóttir, fyrrverandi utanríkisráðherra og formaður Samfylkingarinnar, hafi setið fjölmarga fundi um um málefni fjármálamarkaðar sem hann hafi ekki verið boðaður á. Björgvin segir að Ingibjörg hefði átt að upplýsa hann um stöðu mála sem rædd hafi verið á umræddum fundum. Þetta er meðal þess sem kemur fram í bréfi Björgvins til þingmannanefndar sem fjallaði um skýrslu rannsóknarnefndar Alþingis. Björgvin segist taka ásakanir um vanrækslu mjög alvarlega.

Samfylkingin gerði engar athugasemdir 2007

Sturla Böðvarsson, fyrrverandi ráðherra og forseti Alþingis, segir að þegar Samfylkingin myndaði ríkisstjórn með Sjálfstæðisflokknum árið 2007 hafi ráðherrar flokksins ekki gert neinar athugasemdir gert við stöðu mála hér á landi og þess í stað talið að efnahagsstaða landsins væri sterk og að bankakerfið myndi rétta úr kútunum. Að öðrum kosti hefði stjórnin brugðist strax hart við. Þetta er meðal þess sem kemur fram í bréfi Sturlu til þingmannanefndarinnar sem fjallaði um skýrslu rannsóknarnefndar Alþingis.

Mest lesið


Fleiri fréttir

Sjá meira


×

Mest lesið