Opinberir starfsmenn eyddu 400 þúsund í mat á Noma

Átta opinberir starfsmenn bæjarins Kolding í Danmörku verða nú að fara djúpt í vasa sína og borga að hluta til reikning eftir að þeir fóru út að borða á kostnað bæjarins á hinu þekkta veitingahúsi Noma.

Veitingahúsið var nýlega kjörið það besta í heimi og þar er dýrt að borða. Reikningurinn fyrir mennina átta hljóðaði upp á 20 þúsund krónur danskar eða ríflega 400.000 þúsund krónur. Þetta gera um 50 þúsund krónur á mann.

Starfsmennirnir verða að borga sjálfir ríflega helminginn af þessari upphæð. Til grundvallar því liggur úrskurður frá Eystri landsrétt í þekktu máli gegn Peter Brixtofte fyrrum borgarstjóra í Farum. Sá þótti frekur á fóðrum og lét bæjarsjóð iðulega borga fyrir sig og sína á fínum veitingahúsum.

Rétturinn komst að þeirri niðurstöðu að 1.000 danskar krónur á mann, eða ríflega 20 þúsund kr. væru hámark þess sem opinberir starfsmenn gætu skrifað á vinnuveitendur sínar í slíkum veitingahúsaheimsóknum.