Juventus reynir við Forlan

Forráðamenn Juventus eru að byggja upp nýtt lið þar á bæ og þeir hafa nú beint spjótum sínum að Úrúgvæanum Diego Forlan en Juve vill fá hann í fremstu víglínu hjá sér.

Juventus er líka á höttunum eftir Edin Dzeko hjá Wolfsburg en þýska félagið er ekki spennt fyrir því að selja.

David Trezeguet var á förum frá félaginu en ekkert varð af því og mun hann leika áfram með Juve í vetur.

Forlan er falur fyrir 35 milljónir evra en Juve ætlar að bjóða 20 milljónir sem og Tiago og Fabio Grosso. Það er talinn vera pakki sem Atletico Madrid vill örugglega skoða.