Messi: Getur séð eldinn í augunum á Rooney

Lionel Messi, leikmaður Barcelona og Argentínu, hefur sagt frá því að það yrði draumur fyrir hann ef Barcelona myndi kaupa Wayne Rooney, leikmann Manchester United. „Það yrði draumur að spila með Rooney ef að United gæti einhvertíman hugsað sér að selja hann," sagði Messi við Daily Star. „Ég ætla að fara sjálfur og ræða við forseta Barcelona og segja honum að kaupa leikmanninn. Í augnablikinu eru C.Ronaldo, Rooney og Xavi auk kannsk tveggja annara leikmanna sem geta skrifað nafn sitt í sögubækurnar en ég get ekki fundið neinn sem spilar með eins og Rooney," bætti við Messi við. Verðmiðinn er mjög hár á Wayne Rooney og hann vill eflaust góðann samning ef hann yfirgefur United. Messi heldur að hann hugsi ekki um peninga heldur fyrst og fremst fótbolta. „Við vitum allir að bestu knattspyrnumennirnir eru með himinhá laun, það er ekkert leyndarmál en Rooney myndi spila fyrir ekki neitt. Þú getur séð eldinn í augunum á honum og það er þessi eldur sem gerir hann betri en aðra," segir Messi. „Ástríða Rooney fyrir leiknum er náttúruleg. Þetta er eins og faðir sem elskar son sinn, það þarf ekki að segja Rooney að elska fótbolta, hann var fæddur til að spila íþróttina."