Zlatan Ibrahimovic kominn með heiðursbelti í tækvondó

Zlatan Ibrahimovic er búinn að fá sérstakt heiðursbeltið í tækvondó en hann fékk það þó ekki fyrir að sparka ítrekað í liðsfélaga sína hjá AC Milan. Zlatan hefur verið með svarta beltið í tækvondó síðan að hann var 17 ára en fékk þessa viðurkenningu hjá ítölskum tækvondóklúbb í vikunni.

Zlatan fékk þetta sérstaka heiðursbelti daginn eftir að hann reyndi að sparka í boltann þegar Robinho fagnaði marki með því að stinga boltanum undir treyjuna sína. Viku áður hafði Zlatan lent í slagsmálum við Oguchi Onyewu á æfingu hjá AC Milan og tveimur mánuðum áður sparkaði Zlatan í grunlausan Rodney Strasser á æfingu með AC Milan.

Þeir sem vilja rifja upp spörkin hans Zlatan geta smelt hér til að sjá hann sparka í Rodney Strasser og hér til að sjá hann reyna að sparka í boltann þegar Robinho var búinn að stinga honum undir treyjuna sína.