Benitez mun skila titlum til Inter

Marco Tronchetti Provera, stjórnarmaður hjá Inter, býst við því að Rafa Benitez muni skila félaginu mörgum titlum en hann tók við þjálfarastarfi félagsins af José Mourinho.

"Hann er fullkominn þjálfari fyrir Inter. Hann hefur alþjóðlega reynslu og hefur tvisvar komist í úrslit Meistaradeildar og unnið einu sinni. Hann veit því vel hvernig á að stýra liðum eins og Inter. Ég tel hann vera rétta þjálfarann fyrir framtíðina," sagði Provera.

"Við eigum eftir að beita okkur eitthvað á leikmannamarkaðnum. Diego Milito mun ekki fara frá okkur," sagði Provera og bætti við að Milito muni skrifa undir nýjan samning fljótlega.