BP mun fresta arðgreiðslum

Stjórnendur BP olíurisans stefna að því að fresta arðgreiðslum til hluthafa. Þeir munu hittast á mánudaginn og taka formleg ákvörðun.

Hinsvegar verður ekki tilkynnt um það fyrr en á miðvikudaginn eftir samningaviðræður við Barack Obama, forseta Bandaríkjanna, segir í frétt BBC.

Fyrirtækið er undir miklum þrýstingi frá bandarískum stjórnvöldum um að nýta fjármunina til að greiða fyrir hreinsun á olíulekanum í í Mexíkóflóa.

Hlutabréf BP hækkuðu um 7% á hlutabréfamarkaði í London í dag.