Ronaldo vill fá Adriano til Corinthians

Brasilíumaðurinn Ronaldo vill gjarnan að Adriano komi aftur til Brasilíu og spili sér við hlið í liði Corinthians.

Adriano hefur reynt að koma ferli sínum aftur af stað með Roma á Ítalíu en frammistaða hans á tímabilinu til þess hefur ekki þótt framúrskarandi auk þess sem að meiðsli hafa sett strik í reikninginn.

„Adriano myndi standa sig vel hjá Corinthians vegna þess að hann er mikill baráttumaður sem vill setja mark sitt á söguna," sagði Ronaldo í samtali við ítalska fjölmiðla.

Adriano spilaði með Flamengo í Brasilíu áður en hann gekk í raðir Roma í sumar.