Vettel og Webber í fremstu röð

Red Bull ökumennirnir Sebastian Vettel og Mark Webber náðu fyrsta og öðru sæti í tímatökunni í Mlebourne i Ástralíu í morgun, en Fernando Alonso á Ferrari varð þriðji.

Munaði 0.1 sekúndu á Vettel og Webber, en ljóst að heimamenn vilja sigur Webbers sem er borinn og barnfæddur Ástrali.  Webber hafði náð besta tíma á lokaæfingu keppnisliða fyrir tímatökuna.

Heimsmeistarinn Jenson Button varð fjórði á McLaren Mercedes, en félagi hans Lewis Hamilton varð aðeins ellefti, sem eru mikil vonbrigði fyrir McLaren liðið.

Felipe Massa skilaði sér í fimmta sæti á Ferrari og Mercedes mátarnir Nico Rosberg og Michael Schumacher urðu í sjötta og sjöunda sæti. Rubens Barrichello kom Williams í níunda sætið og Robert Kubica varð tíundi, en hann var með besta tíma á fyrstu æfingu keppnisliða. Hann náði ekki að fylgja því eftir, frekar en Hamilton sem var með besta tíma á annarri æfingu föstudags.

Rásröð og timarnir

 1.  Vettel         Red Bull-Renault      1:23.919

 2.  Webber         Red Bull-Renault      1:24.035

 3.  Alonso         Ferrari               1:24.111

 4.  Button         McLaren-Mercedes      1:24.675

 5.  Massa          Ferrari               1:24.837

 6.  Rosberg        Mercedes              1:24.884

 7.  Schumacher     Mercedes              1:24.927

 8.  Barrichello    Williams-Cosworth     1:25.217

 9.  Kubica         Renault               1:25.372

10.  Sutil          Force India-Mercedes  1:26.036

11.  Hamilton       McLaren-Mercedes      1:25.184

12.  Buemi          Toro Rosso-Ferrari    1:25.638

13.  Liuzzi         Force India-Mercedes  1:25.743

14.  de la Rosa     Sauber-Ferrari        1:25.747

15.  Hulkenberg     Williams-Cosworth     1:25.748

16.  Kobayashi      Sauber-Ferrari        1:25.777

17.  Alguersuari    Toro Rosso-Ferrari    1:26.089

18.  Petrov         Renault               1:26.471

19.  Kovalainen     Lotus-Cosworth        1:28.797

20.  Trulli         Lotus-Cosworth        1:29.111

21.  Glock          Virgin-Cosworth       1:29.592

22.  di Grassi      Virgin-Cosworth       1:30.185

23.  Senna          HRT-Cosworth          1:30.526

24.  Chandhok       HRT-Cosworth          1:30.613