Ross Beaty tvöfaldar lánalínu sína til Magma Energy

Ross Beaty forstjóri Magma Energy hefur tvöfaldað lánalínu sína til félagsins og nemur hún nú 20 milljónum kanadadollara eða um 2,3 milljörðum króna.

Þetta kemur fram í frétt á Reuters en þar segir að jafnframt hafi líftími lánalínunnar verið lengdur upp í tvö ár.

Dótturfélag Magma í Svíþjóð gekk nýlega frá lokagreiðslunni fyrir kaupunum á rúmlega 98% hlut í HS Orku og fékk til þess skammtímalán upp á 27 milljónir bandaríkjadollara.

Fram kemur í frétt Reuters að hlutir í Magma Energy hafi hækkað um 18% í kauphöllinni í Toronto síðan í júlí en þá veitti Beaty félaginu lánalínu upp á 10 milljónir kanadadollara.