Vettel: Horfur á spennandi tímabili

Þjóðverjinn Sebastian Vettal er einn margra sem á möguleika á

titli á þessu ári, ef marka má fyrstu kynni manna að keppnisbílum ársins.

Hann varð í öðru sæti í meistaramótinu í fyrra á Red Bull og ekur með Mark Webber í sama liði í ár.

"Það er gott að vera farinn að keyra á ný. Það var löng bið í vetur! Bíllinn lofar góðu, þó veðrið hafi ekki verið gott á æfingum, þá kemur það að notum þegar rignir í mótum ársins", sagði Vettel á f1.com.

"Við náðum að keyra býsna mikið, en lentum líka í vandamálum sem var gott að leysa áður kemur að keppni. Ég vann af kappi í því að stilla bíl þannig að hann hentaði mínum stíl, en það er erfitt að meta stöðu milli manna enn sem komið er. Það eru horfur á spennandi tímabili."