KA-menn áfram í fallsæti eftir jafntefli við Skagamenn

KA-menn sitja áfram í fallsæti 1.deild karla í fótbolta eftir 1-1 jafntefli á heimavelli á móti Skagamönnum í kvöld.

KA komst yfir í leiknum eftir hálftíma leik með marki frá Guðmundi Óla Steingrímssyni en Hjörtur Júlíus Hjartarson skoraði jöfnunarmark Skagamanna í upphafi seinni hálfleiks.

Þetta var fyrsta mark Hjartar síðan 22. maí þegar hann skoraði í 2-2 jafntefli á móti Fjölni.

Skagamenn eru í 6. sæti deildarinnar, fimm stigum á eftir Fjölni sem er í næsta sæti fyrir ofan.

KA-menn eru því áfram í 11. sæti deildarinnar nú tveimur stigum á eftir botnliði Gróttu sem vann sinn leik í gær.

Upplýsingar um markaskorara eru fengnar af netmiðlinum fótbolta.net.