Benitez: Þarf að breyta ýmsu eftir Mourinho

Rafa Benitez, þjálfari Inter, segir að það muni taka tíma að breyta ákveðnum hlutum hjá félaginu sem José Mourinho innleiddi hjá félaginu. Inter tapaði fyrir Atletico Madrid í Ofurbikarnum og leit ekki of vel út.

"Við munum halda áfram að gera ákveðna hluti eins og við gerðum áður. Við þurfum líka að breyta ákveðnum hlutum. Það mun taka smá tíma að breyta þessum hlutum og ég þarf tíma til þess," sagði Benitez.

"Ég hef ekki fengið mikinn tíma til þess að vinna með leikmönnunum eftir HM og ég er ekki kominn með liðið þangað sem ég vil hafa það."