Lofar kampavínsfótbolta frá AC Milan

„Hvað er hægt að segja um þríeyki sem samanstendur af Zlatan Ibrahimovic, Pato og Ronaldinho? Þetta verður ekta kampavínsfótbolti," segir Adriano Galliani, varaforseti AC Milan.

„Milan er eitt af bestu liðum Ítalíu og bestu liðum Evrópu," segir Galliani sem er í skýjunum með kaupin á Zlatan.

„Það gekk mjög erfiðlega að keyra þetta í gegn og ég átti erfiða daga í Barcelona sem kostuðu svita og tár. Þessar viðræður hafa lengi staðið yfir."

AC Milan hóf leik í ítölsku deildinni í kvöld þegar liðið lék við Lecce.