Defoe missir af fyrstu leikjum Tottenham í Meistaradeildinni

Jermain Defoe verður ekki með Tottenham-liðinu næstu sex vikurnar vegna ökklameiðsla sem hann varð fyrir í leik með enska landsliðinu í Sviss á þriðjudaginn. Defoe var að vona það eftir leikinn að meiðslin væru ekki alvarleg en annað kom á daginn.

Defoe mun því missa af fyrstu leikjum Tottenham í Meistaradeildinni sem er mikið áfall fyrir bæði hann og liðið. Hann mun einnig líklega missa af næsta landsleik Englendinga í undankeppninni sem er á móti Svartfjallalandi.

Tottenham missti því tvo enska landsliðsmenn í meiðsli í þessu landsleikjahléi því áður hafði Michael Dawson meiðst á hné á móti Búlgörum og verður hann frá í tvo mánuði.