Eurovision: SIGURVEGARI grafið í hring Heru - myndir

„Já þetta er hringurinn sem Ingi hjá Sign gerði fyrir mig," svarar Hera spurð út í hringinn sem hún verður með annaðkvöld þegar hún flytur framlag Íslendinga, lagið Je ne sais quoi, á úrslitakvöldinu í Eurovisionkeppninni.

„Þetta er hringurinn sem ég er með á sviðinu," útskýrir Hera.

„Og aftan á hringinn var hann búinn að grafa rúnir sem að mynda táknið „sigurvegari" og svo eru þrjú lítil hjörtu."

Eru rúnirnar þín hugmynd? „Nei. Hann fékk að sjá mynd af kjólnum og hringurinn er svona í anda kjólsins, svolítið svona mjúkur og fallegur og rúnirnar eru algjörlega hans framlag í þetta."

Er mikilvægt að fá aðstoð eins og alla þessa skartgripi? „Það skiptir öllu máli. Svona skartgripir kosta mörg hundruð þúsund krónur og hann er búinn að vera alveg óborganlegur í að aðstoða okkur. Hann lét mig fá eyrnalokka fyrir allar bakraddir og skart," segir Hera Björk áður en hún er rokin í næsta viðtal.