Messi með þrennu þegar Barcelona vann Konungsbikarinn

Lionel Messi sendi skýr skilaboð til allra hinna 19 félaganna í spænsku úrvalsdeildinni í knattspyrnu í kvöld. Hann skoraði þrennu þegar Barcelona varð Meistari meistaranna.

Barcelona vann Sevilla í kvöld 4-0 en hafði tapað fyrri leiknum 3-1. Lokatölur því 5-3 fyrir Barcelona sem vann þennan titil, Konungsbikarinn, í níunda sinn. Er það met á Spáni.

Fyrsta markið í kvöld var sjálfsmark frá Konka eftir magnaðan undirbúning Pedro.

Messi skoraði næstu þrjú. Fyrst eftir glæsilega sendingu frá Xavi, næst eftir frábæran undirbúning Dani Alves og loks eftir góðan samleik David Villa og Andrés Iniesta. Allt glæsileg mörk og dæmigerð Barcelona-mörk.

Barcelona spilaði frábærlega í kvöld og þá sérstaklega Messi. Spænska deildin hefst svo um næstu helgi.