Vettel og Schumacher reyna að verja titil Þýskalands í kappakstursmóti meistaranna í dag

Þjóðverjarnir Michael Schumacher og Sebastian Vettel keyra fyrir hönd Þýsklands í kappakstursmóti meistaranna, Race of Champions í Dusseldörf í Þýskalandi í dag, en 16 ökumenn úr ýmsum akstursíþróttum taka þátt í mótinu. Mótið er sýnt beint á Stöð 2 Sport kl. 17.45 í dag. Það hefur verið annríki hjá Vettel frá því hann keppti í Abu Dhabi og landaði meistaratitilinum í Formúlu 1. "Það er gaman að keppa með Michael fyrir framan heimamenn og sérstakt að kappakstursmót meistaranna er í Þýskalandi. Þetta er annar heimur en Formúla 1 og skemmtilegt að keppa við ökumenn úr öðrum akstursíþróttum", sagði Vettel á heimasíðu mótsins, raceofchampions.com. "Við erum hér til að skemmta okkur, en um leið og við setjum á okkur hjálmanna þá er markmiðið að leggja keppinautinn", sagði Vettel. Hann æfði á brautinni í gærkvöldi og lenti út í malargryfju og sagði að ef hann gerði slíkt í dag eða á morgun, þá væri það ekki gott mál. "Við Sebastin reynum að í fleiri verðlaun fyrir lið Þýskalands og það er hvatning. Við viljum skemmta áhorfendum og við höfum unnið keppni þjóðanna í þrígang og vonumst eftir því sama í fjórða skipti", sagði Schumacher.