Schumacher telur að mótið í Malasíu verði eins og happdrætti ef rignir

Spáð er verulegri rigningu í Formúlu 1 mótinu á Sepang brautinni í Malasíu þegar ræsing mótsins fer frá á sunnudag. Ræsingin á að vera klukkan átta að morgni að íslenskum tíma, en klukkan fjögur síðdegis í Malasíu.

 

Fyrstu æfingar Formúlu 1 keppnisliða á Sepang brautinni eru í nótt. Schumacher ók lítið á æfingum á regndekkjum í vetur, en Pirelli útvegar keppnisdekkin í ár og tvær útgáfur af regndekkjum eru í boði.

 

Michael Schumacher hefur unnið mótið oftast keppenda, eða þrisvar, en hann hefur lítið ekið á regndekkjunum sem eru í boði frá Pirelli.

 

„Ég ók lítillega í Barcelona (á Katalóníu brautinni), en það var svo blautt að það verður áhugaverð reynsla ef það gerist í fyrsta skipti um helgina. Ég þekki ekki mismuninn á regndekkjunum tveimur og það sama má segja um aðra. Þetta verður því skemmtilegt happdrætti. Við skulum sjá hver sigrar", sagði Schumacher frétt á autosport.com í dag.

 

Í ljósi þess að keppnin er ræst af stað sídegis í Malasíu þýðir að meiri möguleiki er á rigningu. Schumacher segir enga vankanta að aka við erfiðar aðstæður, eins lengi og öryggi sé haft að leiðarljósi.

 

Keppendur munu aka á tveimur æfingum í nótt, en þriðja æfingin er á aðfarnótt laugardags og tímatakan snemma á laugardagsmorgun. 24 ökumenn eru skráðir til leiks, eins og í öðrum mótum í lengsta kappakstur ársins hvað ekna kílómetra varðar í keppninni. Ökumenn aka liðlega 310 km í keppninni á sunnudag.

 

Ef rignir á einhverri æfingunni eða í tímatökunni gæti það hjálpað ökumönnum að læra inn á regndekkinn betur en ella á brautinni fyrir keppnina.