Gríðarstórt líkan af brúðkaupi Vilhjálms og Kötu hefur verið byggt úr Legókubbum eins og sjá má á meðfylgjandi myndum. 180 þúsund Legókubbar fóru í smíðina og 400 Legókarlar tákna brúðkaupsgestina. Átta vikur tók að smíða líkanið sem verður til sýnis í Vísindasafninu í Manchester frá deginum í dag.
Brúðkaupið er á morgun og verður það sýnt í beinni útsendingu á Vísi sem hefst klukkan sjö um morguninn. Sjálf athöfnin hefst síðan klukkan ellefu.
