Matthías: Hef fundið mig vel í allt sumar

„Frábær úrslit fyrir okkur,“ sagði Matthías Guðmundsson, leikmaður Vals, eftir sigurinn í kvöld, en hann gerði fyrsta mark leiksins í 2-0 sigri Valsmanna gegn Blikum.

„Við komum virkilega ákveðnir til leiks hér í kvöld og við ætluðum okkur sigur. Við mættum grimmir til leiks og því fór sem fór“.

„Ég fann mig vel í kvöld og hef reyndar bara fundið mig vel í allt sumar. Ég er í toppstandi eins og staðan er núna og vonandi heldur það bara áfram,“ sagði Matthías.

„Við stefnum auðvita á toppbaráttu en við hugsum bara um einn leik í einu“.