Vidic verður stoltur fyrirliði á morgun

Nemanja Vidic segist vera ánægður og stoltur yfir því að fá að leiða sína menn út á völlinn þegar að lið hans, Manchester United, mætir Barcelona í úrslitaleik Meistaradeildarinnar á morgun.

„Það er mér mikill heiður að fá að vera fyrirliði hjá svona stóru félagi og fá að fara fyrir liðinu í stórum leikjum,“ sagði Vidic á blaðamannafundi í dag.

„En það er þó ekki til mikils ef liðið stendur uppi í lok tímabilsins án þess að hafa unnið neitt,“ bætti hann við. Þess verður þó að geta að United varð þó Englandsmeistari fyrr í mánuðinum.

„Við höfum getað einbeitt okkur fyllilega að leiknum á morgun og höfum hagað undirbúningi okkar eðlilega. Þetta snýst þó meira að vera tilbúinn bæði á líkama og sál.“