Manzano tekur við Atletico Madrid

Gregorio Manzano hefur verið ráðinn nýr þjálfari Atletico Madrid fyrir tímabilið 2011-2012. Manzano tekur við af af Quique Sanchez Flores sem stýrði liðinu til sjöunda sætis í spænsku deildinni. Það þótti stjórnarmönnum Atletico ekki nógu góður árangur en liðið vann Evrópudeildina árið 2010.

Manzano sem er 55 ára er reynslumikill þjálfari. Hann þekkir vel til á Calderon vellinum en liðið lauk leik í sjöunda sæti leiktíðina 2003-2004 undir hans stjórn. Hann tók við liði Sevilla á síðustu leiktíð og skilaði liðinu í 5. sæti í lok tímabils.

Undir stjórn Manzano vann smáliðið Real Mallorca sinn eina stóra titil, Konungsbikarinn, undir hans stjórn árið 2003. Viðurnefni hans er Prófessorinn en hann er með sálfræðigráðu.