Lykilríki innan OPEC berjast fyrir lækkun olíuverðs

Lykilríki innan OPEC, samtaka olíuframleiðenda, munu berjast fyrir því að olíuframleiðsla á vegum samtakanna verði aukin á næstunni með það fyrir augum að koma heimsmarkaðsverði á olíu aftur niður fyrir 100 dollara. Sem stendur kostar tunna af Brent olíunni tæpa 116 dollara.

Í frétt á Reuters segir að Saudi Arabía, Kuwait og Sameinuðu arabísku furstadæmin hafi áhyggjur af því að hátt olíuverð sé farið að skaða efnahag heimsins en OPEC fundar í vikunni í Vín í Austurríki.

Einn af þeim sem sækir fundinn segir við Reuters að nauðsynlegt sé að auka olíuframleiðsluna um að minnsta kosti milljón tunnur á dag.