Birna Berg varði víti og ÍBV heldur enn hreinu

Hin 17 ára gamli markvörður ÍBV, Birna Berg Haraldsdóttir, heldur enn marki sínu hreinu í Pepsi-deild kvenna en ÍBV tapaði engu að síðustu fyrstu stigum sínum í sumar þegar liðið gerði markalaust jafntefli við KR á KR-vellinum í kvöld.

ÍBV var með fullt hús og markatöluna 14-0 fyrir leikinn en Eyjastúlkur eru nýliðar í deildinni. Birna Berg er á sínu fyrsta tímabili í Eyjum en hún var kosin efnilegasti leikmaðurinn í handboltanum í vetur. Hún hefur nú haldið marki sínu hreinu í 450 mínútu í sumar.

Birna Berg varði vítaspyrnu frá Katrínu Ásbjörnsdóttur á 63. mínútu og kom þar með í veg fyrir að KR tæki öll stigin. Það ætlar því að reynast liðunum afar erfitt að koma boltanum framhjá stúlknalandsliðsmarkverðinum úr Hafnarfirðinum.