Randi Zuckerberg hættir hjá Facebook

Randi Zuckerberg markaðsstjóri Facebook hefur látið af störfum hjá vefsíðunni en Randi er systir stofnenda Facebook, Mark Zuckenbergar.

Randi hefur starfað með bróður sínum að vexti og viðgangi Facebook á síðustu sex árum og þykir hafa gengt lykilhlutverki í þeim mikla árangri sem vefsíðan hefur náð á heimsvísu.

Í frétt á CNN Money kemur fram að Randi ætli sér að stofna sitt eigið fyrirtæki sem sinna á félagslegum rannsóknum.