Aðeins skorað í einum leik af sex í ítalska boltanum

Það var ekki mikið skorað í ítalska boltanum í dag en alls fóru fram sex leikir. Fimm leikjum lauk með markalausu jafntefli, en Bologna sigraði Novara 2-0 á útivelli.

Gastón Ramírez kom gestunum yfir rétt fyrir lok fyrri hálfleiks og staðan var því 1-0 í hálfleik. Robert Acquafresca kláraði leikinn á 64. mínútu leiksins með öðru marki Bologna.

Það er ótrúlegt að segja frá því að allir aðrir leikir enduðu með markalausu jafntefli sem verður að teljast nokkuð slæm auglýsing fyrir ítalska boltann.

Juventus er í efsta sæti deildarinnar með 12 stig rétt eins og Udinese sem er í öðru sæti. Cagliari er í þriðja sæti deildarinnar með 11 stig.

Úrslit dagsins:

Cesena  0 – 0 Fiorentina  

Chievo  0 – 0 Juventus

Atalanta 0 – 0 Udinese    

Cagliari 0 – 0 Siena    

Genoa 0 – 0 Lecce    

Novara  0 – 2 Bologna