Afskrifa þarf helming af skuldum Grikklands

Horft er til þess að eigendur skuldabréfa Gríska ríkisins þurfi að afskrifa allt að helming af þeim svo að Grikkland geti staðið undir skuldum sínum. Óvíst er að hvort samstaða næst um þetta meðal evruríkja og kröfuhafa Grikklands. Þetta kemur fram í frétt Wall Street Journal.

Ráðherrar og embættismenn ríkja á evrusvæðinu funda nú í Brussell til þess að freista þess að ná saman um aðgerðaáætlun sem minnkar skaðann af miklum ríkisskuldum og veikburða fjármálastofnunum. Ekkert er fast í hendi ennþá, samkvæmt frásögnum erlendra fréttamiðla.

Fjármálaráðherra Grikklands, Evangelos Venizelos, sagði í viðtali við fréttamenn eftir hádegi í dag að vinna við nýja aðgerðaráætlun fyrir landið væri komin vel á veg, samkvæmt frásögn Wall Street Journal.