Rauðar tölur á hlutabréfamörkuðum í Evrópu

Hlutabréfamarkaðir í Evrópu hafa lækkað í dag um tæplega 1% að meðaltali. Áhyggjur vegna vaxandi skuldavanda Evrópuríkja eru sagðar ástæður fyrir lækkunum, að því er fram kemur á vefsíðu Wall Street Journal.

Áhyggjurnar vegna vanda ríkja í Suður-Evrópu hafa farið vaxandi, en skuldatryggingaálag á ríkisskuldabréf Ítalíu, Spánar og Portúgals hefur hækkað mikið undanfarnar vikur og mánuði og er nú svo hátt að almennt er álitið að löndin geti ekki endurfjármagnað skuldir sínar.