Afspyrnuléleg jólavertíð í Hollywood

Jólavertíðin í Hollywood hefur ekki byrjað jafnilla undanfarin þrjú ár en aðsókn að jólamyndunum í ár í Bandaríkjunum þykir afspyrnuléleg.

Í frétt um málið á BBC er haft eftir kvikmyndasérfræðingi að staðan sé ótrúlega slæm. Jafnvel myndir á borð við New Year´s Eve með stórstjörnunum Sarah Jessica parker, Halle Berry, Robert De Niro og Ashton Kutcher innanborðs hafa algerlega brugðist í miðasölunni. Þannig náði New Year´s Eve aðeins að hala inn tæpar 9 milljónir dollara á fyrstu sýningarhelgi sinni.

Algengt var að myndir á borð við New Year´s Eve næðu inn tugum milljóna dollara á þessari helgi hér á árum áður.