Schumacher vill sigur á nýjum Mercedes

Michael Schumacher og Nico Rosberg verða á nýjum Mercedes Formúlu 1 bíl, sem þeir sýndu með liði sínu á Valencia brautinni í dag í fyrsta skipti.

"Biðin er á enda og allt fer í gang. Fyrir ökumennina, þá er erfitt að bíða eftir upphafi tímabilsins í vetrarfríinu", sagði Schumacher í frétt frá Mercedes.

"Jafnvel þó ég hafi tekið þátt í undirbúningsvinnunni og þróun og veit að breytingarnar eru verulegar á milli ára, þá er annað annað mál að sjá bílinn fyrir framan sig. Það kemur spenna í kroppinn. Ég hlakka mjög til tímabilsins. Ég hef sagt það áður, en við erum að byggja upp magnaða hluti saman. Ég er sannfærður um að ég komist á verðlaunapall á árinu, en óskandi að ég standi í miðjunni", sagði Schumacher.